No ámbito escolar galego e na sociedade na que vivimos hai unha serie de deportes maioritarios ( o fútbol por riba de todos e, despois, o baloncesto, balonmán, ... ) e outros que son prácticamente descoñecidos. Un destes casos é o beisbol, deporte minoritario na nosa terra que, noutros lugares, é un deporte esencial ( en case todo o continente americano e en boa parte de Asia ). Estes días, os alumnos/as de 4º, 5º e 6º do noso colexio están a recibir unhas charlas formativas para ir coñecendo e practicando cada vez máis este deporte que combina coordinación, destreza e velocidade. Podedes consultar a páxina web da Federación Galega de Beisbol e Softbol para saber máis cousas destes deportes e estar ó día das diferentes noticias, competicións, ... que se fan preto de nós. Na seguinte presentación podedes ver unhas fotos que fixemos durante as sesións de iniciación a este deporte.
No hay comentarios:
Publicar un comentario