INDIAKA

      Estos días,  os alumnos/as de 2º de Primaria están a traballar con Indiakas.  En liñas xerais é necesario destacar no xogo da indiaca varias peculiaridades polas que consideramos interesante a súa aplicación na escola:

• Podemos catalogar o xogo como de golpeo,  é dicir,  para o seu control utilizamos as palmas das mans para golpear.  O deseño da indiaca fai que o seu vo sea lento,  isto fai que o xogo sexa moi asequible para os nenos/as,   xa que non precisa rapidez de reflexos.  Podemos dicir,  polo tanto,  que as habilidades da indiaca son de baixo nivel,  polo que a súa aprendizaje é sinxela e rápida.
• Obriga a usar indistintamente as dúas mans para golpear e controlar.  Non son posibles os golpes de revés polo que se golpea sempre co mesmo movemento,  pero co brazo correspondente.  Se a indiaca chega pola dereita,  se golpea con esa man e viceversa coa esquerda.  O uso xeralizado das dúas mans favorece o desenvolvemento do brazo non dominante,  polo que a súa práctica é aconsellable nas primeiras idades,  para disminuir as diferenzas que se crean na  "  lateralidade  ".
• A forma de desprazamento durante o xogo consiste en dous ou tres pasos como máximo en calquera dirección,  acompañados ó final dunha toma de posición previa ó golpe.  Non son habituais os saltos e tampouco as carreiras;  por este motivo trátase dun esforzo predominantemente aeróbico,  onde o sistema cardiorespiratorio se mantén entre 120 − 160 p/m.
• O nivel de risco é moi escaso dado que non existen contactos físicos ó estar los xogadores dos equipos separados por unha rede e ser a indiaca moi lixeira e de material brando.
• Aínda que podemos golpear cos pés,  debemos evitarlo xa que se deteriora.  As plumas da indiaca rompen con facilidade e debemos evitar situacións nas que poidan ser pisadas.  Tamén se descarta a posibilidade de utilizar pas.Existen outras variantes de xogo,  que ofrecen diferentes posibilidades e dan unha maior riqueza de movementos e aplicacións no xogo real.

No seguinte vídeo podemos ver,  de xeito resumido,  unha pequena escolma de diferentes fases do xogo con indiakas.

 

MATEMÁTICAS

      As Matemáticas son un elemento esencial no noso traballo educativo.  Nos seguintes enlaces podemos atopar webs que traballan elementos matemáticos adaptados a Educación Primaria.

ThatQuiz

Conecto con las Mates

Medida - Fracciones y decimales

Speed Crunch - Calculadora para escritorio

BALONCESTO

     O baloncesto é un deporte de equipo que nos permite desenvolver,  en idade escolar,  moitas capacidades e habilidades:

• Mellora a resistencia
• Favorece a coordinación xeral e a óculo - manual
• Desenvolve estratexias de cooperación e oposición,  etc.

     Ó longo destas semanas estamos a traballar na iniciación ó baloncesto no 2º Ciclo de Primaria.  Facemos diversos xogos e exercicios e xogamos partidiños de 3x3,  que permiten destacar a participación e a colaboración por riba dos resultados.

OS SENTIDOS

    Como xa sabemos o ser humano ten cinco sentidos:  vista,  ouvido,  olfato,  gusto e tacto.  Na área de Educación Física son esenciais porque permiten ós nosos alumnos/as desenvolverse axeitadamente diante das diferentes situacións que se lle presentan:  equilibrios,  coordinacións,  cálculo de distancias,  ...  No seguinte vídeo podemos ver unha pequena explicación do funcionamento de cada un deles.

LUDOTECA TIC DE NADAL

     A Fundación María José Jove organiza para nenos/as de 4 a 12 anos nas datas de Nadal unha ludoteca que pretende promover nos nenos/as o bo uso da tecnoloxía mediante actividades lúdicas. Para consultar datas, horarios e prezo podedes acceder á web da Fundación.

ÓSOS, ARTICULACIÓNS E MÚSCULOS

Sinxela presentación de Youtube do Colexio Gonzalo de Berceo sobre os ósos,  as articulacións e os músculos.  Axeitado para os primeiros cursos de Primaria.

CHEGA O NADAL

      Hoxe comezamos o mes do Nadal no CEIP Ría do Burgo adornando o noso centro.  É unha festividade bonita,  chea de boas intencións e de ilusión,  especialmente para os nosos nenos/as.  Pero tamén debe servirnos para reflexionar sobre moitas cousas,  entre elas:

• A solidaridade nestas épocas é moi destacable,  pero debería durar todo o ano.
• Os nenos sempre están ilusionados cos regalos pero,  sobre todo,  precisan cariño e atención.
• É importante fomentar un consumo responsable en todas as épocas do ano,  tanto nas situacións de bonanza económica coma nas de crise.

Déixovos unha pequena presentación desexándovos Moi Boas Festas

CHEGOU O NADAL - diapositivas